豆腐古稱「黎祁」，係素食者主要嘅食材，含有豐富蛋白質、8種人體所需胺基酸及不飽和脂肪酸等，有「植物肉」之稱。之但係有人話豆腐傷腎又殺精，男人不宜多吃，究竟係咪真呢？
英國有研究指豆腐會影響精子量，據倫敦國王學院教授Lynn Fraser喺2005年發表嘅報告中稱，如果女性食用大量豆腐嘅話，當中含有嘅染料木素（Genistein）會破壞精子，令精子喺游向卵子嘅過程中陣亡，從而失去受孕能力。因此Lynn Fraser表示，女性喺排卵期間唔適宜食用豆製品。不過，佢又補充指，呢個只係初步研究，實際情況仍有待深入研究。
對於呢個研究報告，蘇格蘭愛丁堡大學教授Richard Sharpe坦言，如果按照英國研究報告嚟睇，豆腐對生育可能會有影響，只係佢質疑如果係真嘅話，豆腐係東方社會嘅傳統食物，只係未有發現佢哋嘅生育能力有影響。
又有研究稱，豆腐含有豐富嘅雌激素，令男士嘅精子量大幅下降。不過有專家話，如果男士長期食用豆腐或各種黃豆類食品，都唔會出現攝入量過多嘅情況，更遑論會減少精子量。又指現時醫學上，仍未有證據證明喺食物中攝取嘅雌激素會影響男性賀爾蒙，即使每日飲一杯豆漿，都唔會對男性賀爾蒙有影響。