常見於東南亞等熱帶地區嘅肉豆蔻（Nutmeg），係一種藥用植物。喺解釋佢嘅功效之前，大家先要搞清楚，佢同坊間有售嘅豆蔻、草豆蔻係唔同嘅；另外，唔少人都會將豆蔻核仁同肉豆蔻皮混淆，雖然兩者都能夠做香料，但豆蔻核仁仲可以用嚟做精油。
據清代醫師陳修園編撰嘅《神農本草經讀》記載，肉豆蔻具有治精冷嘅作用；另一位清代名醫趙其光編著嘅《本草求原》亦指呢種植物可用於治腎洩及上盛下虛。換句話講，肉豆蔻對增強男士體質有明顯功效，絕對係有根有據。
雖然站喺中醫學角度，肉豆蔻嘅主要作用在於開胃、消食、治心腹脹痛等，但係古阿拉伯人、東南亞人同歐洲人都相信佢可以壯陽同催情，印度更有種催情茶係用肉豆蔻、紅茶、桂皮、生薑、胡椒、蜂蜜等材料溝埋一齊加水而成。
雖然肉豆蔻對身體有多種功效，但因為含有一種名為肉豆蔻醚（Myristicin）嘅成分，一定留意分量。有研究指，如果長期每日使用120毫克以上嘅話，會令人出現幻覺及昏迷，千祈咪食得太多呀！