壯陽食品有好多種，點解要搞到食樹皮？原來呢種並唔係普通樹皮，而係一種叫做卡賓達樹嘅樹皮！卡賓達樹葡萄牙語叫「Pau De Cabinda」，學名叫「Pausinystalia Macroceras」，係種生長喺非洲安哥拉海拔4,000幾米高地上嘅樹木。據稱佢嘅樹皮具有壯陽成分，只係效力係咪咁勁？
有內地研究指卡賓達樹皮含有育亨賓（Yohimbine），係種單胺氧化酶抑制劑，具有壯陽同興奮劑作用，因而被視為具有治療性功能障礙作用。
據稱有研究結果發現，卡賓達樹皮內嘅育亨賓治愈陽痿有效率為22%至73%，坊間亦有人稱同時具有延長床戰時間作用，但卻未有資料證實。
服用卡賓達樹皮要小心，因為服用後1至2小時內會出現精神興奮、血壓升高等情況，部分更會出現頭痛、腹瀉等情況，亦有資料指每日服用數量唔可以超過5g，所以唔好以為食得多就好呀！