「清新」同「火辣」係形容女生常用嘅字眼，兩者予人感覺截然不同，究竟能否喺同一個人身上並存呢？韓國人氣網紅朴珍允就用身體話畀大家知，女人嘅可塑性有幾大！
喺韓國首爾出生嘅佢，有別於一般模特兒，起初並非以車模或展銷女郎身份出道，反而專注做網絡模特兒，或者簡單啲講，經營IG嘅佢，一直以性感網絡女神形象示人。雖然佢嘅身高得168公分，唔算高挑，但因為擁有修長美腿及激凸上圍，所以備受網民追捧，更有唔少品牌搵佢拍廣告。值得一提，阿妹雖然工作不斷，仍好勤力地更新IG，難怪喺網絡上嘅人氣絲毫不減。