翻版天使萌宣告引退

對於鍾情少女系女優嘅AV迷嚟講,新一年有個唔多開心嘅消息,就係八尋麻衣宣布退出AV界。人稱「翻版天使萌」嘅麻衣妹妹,喺2018年成為SOD旗下品牌「青春時代」嘅專屬女優,個樣同AV天后天使萌有幾分相似,青春逼人,皮白肉嫩,唯獨身材平平無奇,只得A Cup,幸好演技上乘,連AV劇作家本末久雄都大讚,所以佢都算係近年表現出色嘅新一代女優。只可惜阿妹早前喺社交網透露自己已經退出女優事務所,到最近仲直接宣布會喺2月23日正式引退添!

雖然阿妹決定結束兩年多嘅AV女優生涯,但粉絲唔使擔心,皆因佢除咗拍AV之外,仲活躍於攝影活動,有時擔任模特兒,有時以Cosplayer身份亮相,應該搵到食,希望佢日後生活愉快啦!