站在好玩嘅角度，個性鬼馬奀皮嘅索女，好得男士歡心，起碼好多嘢唔使就住就住，玩都玩得放啲；但如果喺工作上表現得奀皮，好易畀到人一種唔認真嘅感覺，難怪以活潑見稱嘅韓國人氣模特兒安芝英都曾試過扮斯文！據呢位出生於韓國首爾嘅索女憶述，當初應徵兼職模特兒時，面試官好直接咁同佢講，個性活潑未必人人受落，相反，斯斯文文會更吸引人，所以佢喺出道初期，經常唔出聲扮斯文，果然成為眾人眼中嘅女神！
不過，江山易改，隨住阿妹嘅人氣愈嚟愈高，佢開始流露真本性，喺某次車展活動上，忍唔住喺名車旁邊跳起舞嚟，呢個舉動令在場人士大為驚喜，為佢打咗一支強心針。自從嗰次之後，佢就經常以奀皮形象示人，真係好可愛呢！