澤山璃奈冰上美人魚再出發

傳說美人魚長得漂亮唱歌又好聽,而喺現實中亦有美人魚,不過佢唔係活躍於海洋之中,而係喺冰上,講緊嘅就係有「冰上之美人魚」稱號嘅澤山璃奈,最近佢重新出發拍寫真,再次為大家帶來視覺刺激!

健美麗人

日本好多女運動員唔單止身材夠晒弗,而且仲貌美如花,因此佢哋經常被寫真界睇中,邀請佢哋拍攝寫真,好似木村涼香同永井里菜咁,拍寫真前就係體操選手喇。而今日同大家見面嘅澤山璃奈就更加厲害,因為佢係一位屢獲殊榮嘅溜冰選手,更有「冰上之美人魚」之稱。

雖然璃奈已經年過30歲,但清麗標致嘅面孔依然迷人,由於一直勤力做運動,身材健美又結實,腰肢同雙腿相當纖幼,但係上圍卻十分豐滿,胴體凹凸有致相當吸睛,仲有肌膚帶點古銅色睇落更添健康感,比起好多嫩口寫真妹吸引力更強。

多才多藝

佢喺2006年參加選美活動「東麗游泳衣Campaign Galle」後,而投身演藝界及寫真界,推出過唔少寫真集,同時亦演出過好多電視節目,仲做過天氣女郎添!另外,佢亦係一位歌手,係女子組合LOVEACE嘅主音,亦為組合親自作詞,認真多才多藝!

從事演藝事業之餘,璃奈仲繼續以溜冰選手身份挑戰不同比賽,而且獲獎無數,例如連績3屆夥拍水谷太洋贏得全日本花樣滑冰少年錦標賽冰舞冠軍,現時佢亦經常出席不同溜冰表演活動。最近璃奈重返寫真界發展,相隔8年再推出寫真DVD《素顏の私》,同時佢亦開設個人視頻頻道,實行喺多個網絡平台搶佔人氣!

社交網站

澤山璃奈近期動作多多,不停進行寫真演出,亦喺多個網絡平台曝光,想留意佢最近有咩新消息,就一定要Click入佢嘅社交網睇睇喇!

網址:https://twitter.com/rina_sawayama

澤山璃奈

年齡:32歲

身高:5呎4吋

三圍:34C-24-34

撰文:賢