宋姝雅 性感電競正妹

電競比賽刺激好睇，就連電競女郎都好有觀賞性，正如經常以性感Cosplay造型示人嘅宋姝雅，就係韓國最具人氣嘅電競女郎之一。樣靚身材正嘅姝雅，當初係以攝影模特兒身份出道，話咁快就憑住出眾嘅外在條件而走紅，之後做埋賽車女郎，頻頻亮相車展，更曾經喺韓國賽車模特兒大賽獲得最佳新進模特兒殊榮。2016年，姝雅喺一次偶然機會下，踏足電競賽場，當時佢換上一身性感Cosplay造型，即時成為場上焦點。自此之後，阿妹開始喺電競界發展，家陣已成為一位炙手可熱嘅電競女郎。