乜嘢叫做過手癮？睇吓呢位男網民嘅遭遇就知，事關佢女友經常手多多，搞到佢成晚都唔知點好，名副其實係冇覺好瞓，佢話：「早前開始同女友同居，卻發現佢有個癖好，就係鍾意握住我兩粒蛋蛋瞓覺，搞到我唔知點咁。雖然佢只係好細力，掌心熱度亦幾舒服，但就係因為太舒服，搞到我成晚都硬直兼瞓唔着！問佢點解要咁做，佢話握住先至有安全感喎！」
Janak：呢個問題嘅解決辦法好簡單，佢鍾意握蛋蛋，你又唔想畀佢握住，咁你準備定兩隻鵪鶉蛋就得啦！手感應該差唔多，佢應該唔會投訴。
華大：諗起都覺得危險囉，如果佢反瞓嘅話，一個唔小心，咁咪……諗起都覺得赤赤痛呀！快啲要佢改咗呢個習慣，叫佢拎住其他嘢嚟瞓啦！
Vanny：我有個疑問，就係佢點樣握得到你兩粒蛋蛋嚟瞓呢？如果你有裸睡習慣嘅話，解決方法咪着番條褲瞓，咁就掂啦！
夢絲：我嘅習慣同你女友差唔多，就係鍾意握住老公嘅棒棒瞓覺，覺得好有安全感。不過佢又冇話唔鍾意，所以我唔覺得有乜問題喎！