好多人都對長髮美女情有獨鍾，以為女人要有一把長長嘅秀髮先夠女人味，但其實只要個樣夠靚、身材夠正，短髮妹一樣可以俘虜男人心，就好似韓國人氣模特兒朴荷，氣質優雅，形象清新，更擁有一對激凸嘅美乳，同一雙修長嘅美腿，難怪喺模特兒界愈撈愈掂。
呢位炙手可熱嘅模特兒喺首爾出生，求學時期已幫人影吓硬照，2014年時正式以模特兒為職業，並首次喺車展亮相，之後佢仲踩入賽車女郎界，出席喺首爾舉行嘅超級跑車賽，旋即成為場上鏡頭嘅焦點。時至今日，阿妹嘅人氣依然高企，足證短頭髮都可以成為萬人迷。