日本寫真妹好多都係以火辣身材，加上活力十足嘅表現嚟刺激大家嘅官能神經，不過溫文爾雅嘅氣質一樣可以吸引大家嘅眼球，和久井雅子就係屬於呢類型嘅寫真女優。今年26歲嘅雅子具有傳統日本女性嘅溫柔特質，不過演出時卻流露出妖艷風韻，加上身材婀娜動人，故有「平成最後之愛人」之稱。由雙葉社出品嘅《もっとイイコトしたい》係雅子最新嘅寫真DVD，今次主打生活化感覺，以便裝打扮示人，演出場面亦相當生活化，例如開場就會見到雅子喺街頭遇上大雨，被淋濕身後就返入屋用毛巾慢慢抹乾身體，之後又會變身為食堂員工，抹抹吓枱又除衫搔首弄姿，至於出浴場面及上床自摸當然亦唔少得啦！雅子會以柔情似水嘅態度演出，動作幅度唔大，大家可以慢慢欣賞佢嘅表情及胴體，比起好多青春少女又跳又郁，別有一番風味。