讚一個女仔好身材，通常會用「玲瓏浮凸」嚟形容，如果要搵個人辦，筆者會推薦大家留意韓國超人氣模特兒李花梨。
喺首爾出生嘅花梨，三圍係36、24、35，淨係聽個數字都知道有幾正，若然望埋佢嘅寫真相，大家會更加明白魔鬼身材對男士雙眼有幾大吸引力！不過，呢位火辣美人之所以喺2014年入行做模特兒，原來係無心插柳嘅結果，事關擁有東明大學視覺設計系學士學位嘅佢，一心諗住成為一位動畫師，但喺偶然機會下，被模特兒事務所嘅星探發掘，而第一份工作就係做車模。佢話當時好緊張，但係又好享受成為眾人嘅焦點。時至今日，花梨已貴為超人氣模特兒，但佢依然冇放棄做動畫師嘅諗法，希望佢有朝一日夢想成真啦！