韓國有好多模特兒都會做網絡直播嚟Keep住人氣，而最常見嘅表演項目就係試衫同跳舞。講到舞技精湛，有個名字唔能夠唔提，佢就係模特兒出身嘅網紅徐允雅！
身高達171公分嘅雅妹，三圍係35-23-35，淨係睇到以上數字都知道佢嘅身材有幾咁吸睛，擺明天生食模特兒呢行飯，所以早就成為攝影模特兒界嘅寵兒，後來佢仲做埋賽車女郎，人氣就更加勁，好快已經喺賽車場紅起嚟，被人招攬為車模，而且每次喺展場上出現，例必成為攝影師爭拍嘅焦點。人紅自然瓣數多，近年雅妹踩埋入網絡直播界，並憑住出色嘅舞技，贏得大量粉絲支持。點解咁多人撐？無他嘅，佢係漢陽大學舞蹈系畢業生，係咪勁先？