居家抗疫期間，令同居男女嘅關係唔多唔少都會起咗變化，好似呢位男網民咁，就嫌棄女友喺屋企着得太隨便，佢話：「講起就㷫呀！自從佢在家工作後，就愈嚟愈懶着衫，喺屋企只着內衣周圍走，本來冇乜問題，因為只得我一個睇到，之但係就算有人送外賣嚟，佢都係照咁樣去開門，咪畀人睇蝕晒囉！於是我喺門口裝咗個鈎，等外賣掛喺門口就得。點知早幾日同女友去超市，佢竟然連Bra都唔戴，只係着件背心同短褲，我咪鬧佢做乜着成咁，佢就話啲胸圍洗咗未乾，同埋戴咗口罩，冇人知佢係邊個喎！我真係嬲到爆呀！做乜要着成咁呢？嬲到我即刻買夠一打胸圍畀佢着呀！」