學園、後宮、異世界等題材都係十八禁遊戲中好常見，若然玩到覺得有啲悶，不妨試吓由日本十八禁遊戲製作公司Laplacian推出嘅最新作品《白日夢的藍色寫真》。講真，呢款遊戲嘅畫面同角色設計都係走唯美風格，如果唔係加入大量鹽花，真心以為係一套純愛作品。內容方面，講述一位現世界嘅少女經常發住3個唔同時代嘅夢：一個發生喺1595年嘅劍橋，講述貧窮劇作家同富有女演員之間嘅邂逅，過程面對當時社會種種規範，後者為咗演出舞台劇，仲要女扮男裝添；第二個發生喺2016年，講述天真美少女戀上成熟已婚男；第三個發生喺2061年嘅虛構城市，講述一名對未來充滿希望嘅美女愛上不良少年……玩家喺遊戲中作出嘅每個決定，都會影響呢3個夢境嘅結局，加上美感十足嘅情慾場面，確實係一款唔錯嘅作品。