擔任模特兒要經常以性感裝束示人，所以身材要夠高挑，曲線要夠明顯，先可以凸顯服飾嘅特點與美感，好似今日介紹嘅韓國模特兒徐多仁，生得玲瓏浮凸之餘，顏值亦相當高，絕對有當女神嘅條件，難怪佢喺業界賺到極高人氣了！
早喺16歲已經進軍模特兒界嘅仁妹，起初憑童顏加巨乳嚟吸睛，迷倒好多男士。隨着年齡漸長，佢嘅樣貌開始成熟，慢慢滲出一股女人味，加上身材愈大愈弗，魅力也進一步提升。另外，因形象改變了，演出機會也相應地增加，不但喺多個大型車展中登場，更以Show Girl身份喺電玩展亮相，每次都憑住迷人外形而成為展場焦點。近年，仁妹開始進軍網絡直播界，粉絲層變得更廣，人氣就更加高。講到底，靚女做咩都會引起眾人注意，只要瓣數夠多，要賺取人氣真係So Easy！