日本漫畫《惡魔高校D×D》一直享有極高人氣，模型也長出長有，巨乳女主角莉雅絲‧吉蒙里更加係大受歡迎，每年起碼有5款新登場作品，仲會有特別水着版推出，好似今年，就以比堅尼為主題！
作為漫畫中嘅女主角，莉雅絲嘅外形梗係吸引喇，尤其係胸前嗰對巨乳，簡直搶晒鏡，加上喺漫畫入面經常以極限露肉嘅造型亮相，可謂魅力沒法擋。暫定喺11月登場嘅最新模型，正好將角色嘅火辣魅力表露無遺！據模型設計師表示，為咗塑造莉雅絲對巨乳，令其胸形誇張而不失實，佢花咗好多心思，配合嗰件性感到爆嘅比堅尼，視覺效果實在超迷人。