喺韓國有唔少模特兒都擁有迷人胸器，而為咗吸引眼球，往往將自己嘅本錢亂咁晒，慌死晒少陣都會蝕底。不過，唔係人人都咁濫，好似人氣模特兒河詩英，雖然有一對激凸胸器，但耐不耐先會展露一下，事關身材高挑嘅佢，淨係一對長腿已經夠晒吸睛！
身高175公分嘅河詩英，早喺2010年出道，憑住一對美腿，好快喺模特兒界企穩陣腳。2012年，佢仲進軍埋賽車女郎界，人氣亦隨之急升，更由2013年起連續3年成為一支西班牙一級方程式車隊嘅專屬賽車女郎。近年，阿妹轉咗短髮造型，一來睇落清新啲，二來感覺上冇咁熱，亦因為少咗長髮嘅遮掩，令佢嘅迷人胸器更為凸出。