美國四仔界出名自由，只要囡囡肯脫就會有機會，故吸引唔少過江龍嚟搵食。不過喺美國土生土長嘅Skylar Vox並未受到呢班「外國勢力」威脅，皆因佢有種獨特氣質，加上前凸後趷嘅火辣身材，令人氣極速冒起，成為四仔界嘅新寵兒。
正所謂人不可以貌相，好似Skylar Vox咁，雖然佢有股東歐女性嘅味道，但其實佢喺美國邁阿密出生，係純正美國妹，上年年尾出道拍四仔。佢表示由細到大經常被人誤以為係東歐妹，仲問佢點解英文講得咁流利，起初佢會解釋一番，但慢慢就習慣咗，覺得無乜所謂。而自細學習芭蕾舞嘅佢，長大後去咗脫衣舞俱樂部做脫衣舞孃，收入相當唔錯，每晚可以搵到300至800美元，周末仲會更加多添！
至於點解後來會投身四仔界呢？佢就話雖然跳脫衣舞搵錢易，但晚晚跳令佢體力透支，情緒亦因而變得暴躁，所以好想改變呢種生活，於是就決定去拍四仔。問佢作出呢個決定時難唔難，佢笑稱一啲都唔難，皆因2017年時佢已經開始經營成人直播頻道，早已習慣喺鏡頭前表演，難怪雖然係新進脫星，但演出卻相當老練。
對於Skylar Vox呢個藝名，佢話其實有特殊意義，事關佢係美國男藝人Dylan Vox嘅粉絲，因此入行時便改咗呢個名字。憑住迷人嘅獨特氣質，加上玲瓏浮凸嘅火辣身材，順利被脫星事務所賞識，好快就獲安排工作，不過作為新人，最初梗係唔能夠同大片廠合作，而係為四仔網絡片廠Net Video Girls演出《All Natural And Very Horny》及《Yes They Are Natural》兩部短片，結果成功引起四仔迷嘅注目，尤其係佢貌似東歐妹，更成為四仔界嘅話題，令人氣急速上升。
之後，佢獲得著名片廠Bang Bros嘅垂青，邀請演出作品《Stripper With Double Ds Hops On The Bus》，雖然只係客串登場，但係佢嘅演技卻備受讚賞，唔少大型片廠紛紛向佢招手，如Tushy、Jules Jordan Video、New Sensations等，片約不斷，其中New Sensations更係一連搵佢演出四套作品，最重要係每套作品都得到好銷量，難怪佢被譽為最強新人，明年各個四仔頒獎禮嘅「最佳新人獎」非佢莫屬！
登入Skylar Vox嘅社交網，會發現勁多福利，事關佢每次拍片都鍾意特寫對34G巨乳，加上騷味十足，唔少粉絲都話精彩過佢演出嘅四仔，唔怪之得出道未夠一年，粉絲人數已超過11萬啦！
網址：https://twitter.com/theskylarvox
出生地：美國邁阿密
身高：158cm
三圍：34G-24-34
撰文：魂