索女優體貼又細心

如果有留意開AV女優嘅社交網,會發覺當中唔少都有飼養寵物,當中幾乎都係貓貓狗狗。無可否認,飼養動物嘅女性,感覺上比較有愛心,而且當女優們抱起動物打卡時,更能感受到佢哋散發出嘅一份溫柔。不過,講到對寵物夠細心嘅AV女優,我覺徥深澤祈莉稱得上係數一數二。登入佢嘅社交網望望,今年先出道嘅佢相當識做,經常以唔同嘅性感裝束大晒驕人G奶兼充滿線條美嘅長腿,無論係內衣抑或女僕裝都叫人目不暇給,絕對令粉絲睇到流晒口水!除咗波哋令人直豎拇指,深澤對佢嘅狗狗Meru嘅照顧同樣令人讚賞,話說呢排日本同香港一樣熱到暈,所以阿妹係餵Meru嘅時候,特登喺乾糧中混入濕糧,令食物多啲水分,減低狗狗中暑嘅可能!睇見阿妹對狗仔咁體貼,唔少粉絲都留言激讚,仲話做佢隻狗好幸福!諗落有個又靚又索嘅女優照顧自己,又真係超有福氣喎。

網址:https://twitter.com/inori_fukazawa