喺日本AV界，好多女優都會喺退出AV界之後，透過舉辦公開活動同粉絲見吓面，作為最後嘅道別。好似有「國民人妻」之稱嘅西野翔，上年已經發表引退宣言，原本打算喺今年搞幾場粉絲見面會，但最近喺社交網發表咗一個令人憂心嘅消息，就係今年需要完全停工，所有粉絲活動都取消！
喺2004年出道嘅西野翔，美艷迷人，擁有迷到男人神魂顛倒嘅魔性，加上演出AV時勁落力，因而奠定AV天后位置。雖然阿妹喺上年宣布引退，但依然努力演出，並且同AV廠SOD合作培育AV男優添！好可惜，阿妹最近喺社交網上載咗一張病容滿面嘅相片，仲話自己身體不適，所以決定全面停工。與此同時，阿妹仲叫大家注意身體，做好防疫措施。無論西野翔得到咩病都好，筆者都希望佢好好休養，等到康復之後再同大家見面都未遲。