韓國有唔少模特兒大賽，當中評審最常講嘅一個詞語就係「自信」，畢竟要着住性感裝束企上台畀人評頭品足，對自己少啲信心都唔掂，人氣模特兒尹熙星就係人辦！
話說讀初中時，熙星嘅身高同身材只係一般，冇乜做Model嘅本錢，加上身邊有唔少靚女朋友，令佢嘅性格變得好內向，唔敢向人哋騷哥利，但升上大學之後，阿妹嚟個二次發育，身高去到167公分，三圍亦發育至34-23-34，當堂連自信心都大埋，仲喺朋友介紹下參與模特兒工作。大學畢業後，阿妹索性以模特兒為事業，2014年開始喺大型車展亮相。憑住迷人嘅樣貌加身材，阿妹嘅人氣愈嚟愈勁，仲喺2016年超級賽車女郎大賽中勇奪冠軍添！近年阿妹做埋KOL，人氣有增無減，更被稱為網絡女神呢！