每個人都有夢想，要實現夢想當然要花好多心機同時間，而且仲要有所犧牲！好似日本女優西村禮為咗圓夢，就決定犧牲色相，瞓身展露一副火辣身材喇！
唔少人做事都相當急進，做乜都好，總之就係做咗先算，欠缺全盤計劃。好似有啲日本寫真女優咁，未收身就心急出道拍寫真，肥腫難分咁款邊個觀眾會鍾意呢？結果咪好快被淘汰，成名無望囉！所以好似西村禮咁，小弟就最欣賞喇！
西村禮以29歲之齡投身寫真界，係就係遲咗少少，但佢只係為咗以最Fit狀態示人，所以喺正式轉型做寫真女優之前，花咗一段日子積極努力收身。家陣不但弗咗好多，上圍對飽滿G奶依然睇頭十足，仲有塊面亦瘦咗好多，由以前嘅肥妹仔蛻變成一位火辣美人。
2015年西村禮出道從事藝能工作，主要拍戲及做主持，演出過嘅作品包括《電鋸少女血肉之華》、《教科書沒教的事》等等。另外，佢閒來亦會做模特兒一騷身材，出席不同攝影會賣弄豐滿胴體，不過當時嘅身材梗係冇家陣咁弗咁火辣啦！
今年2月西村禮推出首本寫真集《零時》，正式投身寫真界，佢表示會以寫真女優及演員兩個身份發展，但係拍寫真只係佢完成夢想嘅第一個階段，原因係畢業於美術大學電影製作學科嘅佢，一直都好想製作一部自編自導自演嘅電影，為咗圓夢，所以佢至會突然投身寫真界，希望藉此搵多啲真銀作為經費。咁祝佢早日達成夢想啦！
西村禮唔會吝嗇身材，好鍾意同大家分享自己嘅性感自拍照以及寫真照，想大飽眼福嘅話，就要多啲留意禮妹嘅社交網喇！
網址：https://twitter.com/rei_nishimura
年齡：29歲
身高：5呎3吋
三圍：36G-25-34
撰文：賢