美國四仔界吸引唔少嚟自世界各地嘅索女加入，不過呢班過江龍要喺業界搵食並唔易，想成名就更加難，嚟自烏克蘭嘅Mila Azul之所以成功，除咗因為擁有迷人外形同火辣嘅床技外，最重要就係佢嘅演出夠熱誠同熱情！
唔少脫星都話投身四仔界嘅目的係為咗搵錢，但正所謂有名就有利，成名之後更易搵錢，故此唔少脫星都千方百計博上位。不過對於來自烏克蘭嘅Mila Azul嚟講，就冇諗過要成名，更從未諗過自己會成為美國四仔界嘅一員。
佢本身係裸模，不但人氣高，而且收入豐厚，有時仲會到歐洲其他國家拍攝寫真，生活同工作都相當寫意。有一日，佢從事成人網絡直播嘅朋友話想轉行做脫星，為咗壯膽，於是就搵埋Mila Azul一齊去歐洲著名四仔片廠DDF Network面試，仲參觀四仔拍攝現場，卻估唔到令佢感到相當興奮，仲話原來演出四仔竟然係咁特別嘅體驗，結果佢同朋友一齊被錄取，及後推出處女作《Pantyhose & Double Dong》，正式出道。
由於DDF Network嘅作品會喺歐美發售，所以Mila Azul嘅演出備受美國四仔廠注目，更有星探問佢有冇興趣到美國發展。不過當時佢拒絕咗，原因係佢唔想離開家鄉隻身遠赴美國，擔心冇人照顧自己。但正所謂有錢使得鬼推磨，喺Penthouse嘅重金利誘下，佢終於答應，2018年5月宣告投身美國四仔界，跟住先後為21Sextury、Evil Angel、Reality Kings等美國著名四仔片廠演出。憑住迷人嘅外形，加上佢對演出嘅執着及表現夠激情，深受美國四仔迷歡迎，更喺AVN同XBIZ頒獎禮獲得「年度最佳歐洲脫星」、「最佳外籍脫星演出」等提名，足證Mila Azul有外表又有實力。
家陣佢積極喺美國四仔界發展，但卻不忘歐洲四仔市場，先後同法國四仔片廠Marc Dorcel、西班牙片廠Private等合作。雖然佢曾經表示從未諗過要成名，但事實證明只要有熱情同熱誠，加上迷人外形，成功自然會搵上門。
Mila Azul做裸模期間，曾經努力練習唱歌，難怪佢嘅叫床聲特別響亮又銷魂。佢仲會不時自拍唱歌片段放喺社交網同大家分享，有興趣可以Click上去睇睇！
網址：https://twitter.com/mila_azul
出生日期：1997年12月1日
身高：170cm
三圍：35D-23-33
撰文：魂