2010年9月面世嘅日本漫畫《To LOVE DARKNESS》，雖然推出至今已接近十年，但係人氣不減，相關嘅同人漫畫、動畫同模型更係長出長有，而作為當中最具人氣嘅女主角茉茉‧貝莉雅‧戴比路克，佢嘅模型更加係出個不停。
不過，大家都知，粉絲就算幾咁鍾意，如果款模型冇新意，好難叫佢哋打開個銀包，既然係咁，新登場嘅模型又有乜嘢賣點呢？之唔係玩若隱若現囉！據模型廠表示，為咗迎接夏日，茉茉今次嘅造型會相當清涼，除咗換上吊帶迷你裙，仲手持汽水添，而最吸睛嘅地方莫過於嗰條透視迷你裙，底褲若隱若現已經夠晒吸睛，從後面睇嘅話，仲會見到佢條從臀部延伸出嚟嘅尾巴，真係勁養眼！