師傅教落，平時飲酒飲到點都好，千祈唔好帶醉返工，因為酒精可以影響到個人反應機能，喺醉酒嘅狀態下工作分分鐘造成意外，嚴重仲引致傷亡！不過，寫真妹桃月梨子就冇有怕，一邊飲酒一邊拍寫真，仲愈拍愈投入添！
好多日本寫真女優除咗喺寫真界人氣高企，同時亦喺Cosplay界極有名氣，好似青山光、五木晶、霜月明愛等，佢哋憑住俏麗面孔及火辣身材，配搭花枝招展嘅動漫角色打扮而成功吸引觀眾注目，不過提到寫真界知名嘅Cosplayer，又點少得桃月梨子呢！
梨子青春可人，五官標致兼萌味十足，一雙精靈明眸亮麗有神，有時亦相當銷魂，真係非常吸引！佢亦有「寫真界最強美Body」之稱，身材屬於薄身大波類型，婀娜多姿嘅胴體配上一對E奶，夠晒曲線誘人，就算有人認為佢唔係當代最強，亦絕對唔會輸畀其他寫真女優。
梨子喺拍寫真之前係一位美容外科護士，同時對扮演動漫角色好有興趣，後來仲成為Cosplayer。又因為佢美貌與靚偈都有齊，加上扮演不同角色都好投入，喺Cosplay界獲得極高人氣，後來仲得到寫真界青睞搵佢拍寫真添！而梨子本身亦多才多藝，特別係口才了得，已經連續兩屆擔任「Eejanaika豐橋電影節」司儀喇！
最近梨子嚟個大解禁，唔係話佢會有露點演出，而係早前佢進行咗意見收集，問粉絲最想同佢做乜，而粉絲都知道梨子愛好杯中物，所以紛紛表示好想同佢飲酒。於是梨子就順應民意，喺拍攝最新一輯寫真時一邊飲清酒一邊演出。寫真女優一般都唔會喺工作期間飲酒，所以今次梨子可以話係開創先河。不過大家唔使擔心，因為梨子好有分寸，喺拍攝期間冇飲醉，但佢就表示心情好緊張，原因係會拍攝埋佢喺屋企日常生活嘅情況，畀人知道晒佢係一名宅女喎！
近期桃月梨子嘅工作主力係拍寫真，而佢不時都會將自己嘅性感寫真照放上社交網同大家分享，想欣賞梨子嘅最強美Body，就要多啲Click上去睇喇！
網址：https://twitter.com/nashiko_cos?lang=ja
年齡：24歲
身高：5呎3吋
三圍：34E-24-34
撰文：賢