夏天唔單止為大地帶嚟雨水，仲有蚊、蟻、烏蠅等昆蟲。不過喺情色世界中嘅昆蟲（Bug），又係咪咁令人討厭呢？依家一齊嚟睇吓啦！
取笑人哋嘅兵器細小係唔啱，但現實中卻有唔少同揶揄男士兵器嘅俚語，好似「Bug Fxxxer」就係其中之一，佢嘅意思係恥笑男士嘅兵器細如昆蟲，而呢個俚語可以追溯到上世紀80年代。此外，佢亦暗諷一啲男士乜嘢類型嘅囡囡都啱，毫冇要求，簡單嚟講就係唔理好醜，但求就手嘅意思。
喺歐美嘅色情服務業界中，Bugs係指陰蝨（Pthirus Pubis），係一種寄生喺人體毛髮嘅寄生蟲，長約1至3毫米，因為常見於陰部，所以有呢個稱呼，亦由於佢嘅外形好似隻小螃蟹，因此又稱做「蟹蝨」 （Crab Louse）。話說以前歐洲嘅妓女為免惹到陰蝨都會剃光毛髮，之但係當年嫖客嘅審美觀，卻覺得光禿禿欠缺吸引力，於是便出現一種名為Merkin，貌似一撮鬍鬚嘅假毛毛。據《Oxford Companion to the Body》一書中稱，Merkin最早可追溯至14世紀50年代，而當時嘅妓女認為佢美觀及具有預防梅毒嘅作用。
有唔少歐洲裸模喺美國四仔界搵食，佢哋仲演出過唔少人氣作，其中就有呢套由Pulse製作，喺2011年11月推出嘅《Slutty Babes and Shutterbugs》，片名中嘅「Shutterbugs」，係由「Shutter」同「Bugs」兩個詞語組成，意思係享受被鏡頭拍攝嘅人咁解。由嚟自匈牙利嘅Virginee、Pink Pussy及俄羅斯嘅Wiska等歐洲裸模演出，故事講述佢哋諗住到美國做脫星，以為工作只係一味啪啪啪就得，演出時先發覺原來唔係想像中咁簡單，既要兼顧鏡頭同做反應，又要拍足12粒鐘，相當辛苦。咪以為係作古仔呀，事關Wiska本人真係講過之前演出過幾套美國四仔，拍攝過程真係勁辛苦，搞到佢情願返歐洲影裸照，都唔想拍四仔。
日本AV片廠GIGA最愛製作特攝片，呢套喺2017年7月推出嘅《鬥昆戰隊 Vol.1 粉紅篇》，不但係人氣系列《鬥昆戰隊》嘅頭炮作，仲搵嚟擁有34E巨乳嘅明海香演出。故事講述遠離銀河系嘅巴士拉星上，住咗班擁有昆蟲能力嘅巴士拉星人，有一日邪惡嘅瓦爾拉族人偷咗佢哋粒聖石後遠走到地球，於是巴士拉星便派出5位女戰士到地球將聖石奪回，而明海香就係其中一位粉紅戰士，可惜佢唔夠敵人打，結果被捉兼凌辱，幸好最後成功奪回聖石。性愛場面拍得夠刺激，爆炸效果亦夠精彩，難怪大受AV迷歡迎。
講番喺1992年12月5日出生嘅明海香，2015年3月以藝名小泉麻里出道，先後用過桃菜愛子、川合美緒以及Coco等藝名，經歷過多次引退後，至今仍偶然會演出AV。
撰文：魂