如果曾經有段情慾黑歷史，大家會唔會話畀另一半知？呢位女網民就為呢件事而煩惱，佢話：「同現任男友拍拖大半年，有件事我一直唔知好唔好同佢坦白，就係我同前度曾經有段黑歷史。5年前同前男友分手，隔咗年幾後我哋約出嚟敍舊，嗰晚仲去咗爆房。自此之後，我哋每個月都會約會兩至三次，除咗開房之外，我哋都會傾吓工作上嘅問題，但感情事就絕口不提，因為我冇諗住同佢再續前緣，而佢亦坦言只係為滿足肉體需要。呢段關係維持咗兩年多，後嚟我識咗現任男友，就同前度斷絕來往。雖然事隔咗一段時間，但我覺得唔同男友講，好似呃住佢咁，不過講咗，後果又唔知係點，最怕會影響佢對我嘅形象，覺得我係個隨便嘅人，大家話我應唔應該講好呢？」