每年韓國車模界都有唔少索女出道，喺長江後浪推前浪下，出道兩、三年嘅已經係前輩級，由於競爭激烈，想做一世車模幾乎係冇可能嘅事，故此好似尹彩元呢位超人氣車模，就諗到點樣令自己有更大嘅發展空間。
2013年佢開始兼職做展銷模特兒，本來已經有一定知名度，2014年佢加入車模界，憑住迷人樣貌及玲瓏浮凸嘅身材，好快喺業界獲得極高人氣。雖然當時佢忙於演出各個汽車展，但係仍然積極為自己增加曝光率，除咗踩入賽車女郎界外，又喺網上表演唱歌，咪以為佢只係靠靚樣呃Like，事實上佢嘅歌藝出色，甚至有人讚佢唱得比原唱好，令人聽出耳油。除此之外，佢每日都會勤力健身Keep Fit，早前佢更考獲健身教練牌，做埋健身教練，以佢嘅迷人外形同知名度，想搵唔到食都幾難！