性癖好定係變態佬，有時真係好難定義，但如果女友突然發現男友嘅衣櫃裏面，竟然收埋咗幾個肛塞性玩具，又會有乜嘢反應？呢位女網民正為呢件事煩惱，話說佢早前上咗男友屋企執屋，卻意外發現對方收埋咗幾個肛塞，佢話：「嗰日我打開衣櫃見到有個密碼盒，好奇之下咪試吓用佢嘅生日日期睇吓打唔打得開，果然打得開，卻見到有3支唔同Size嘅肛塞性玩具，我當堂嚇咗一跳！估唔到男友竟然有咁嘅癖好，我真係接受唔到，唔單止覺得惡心，更擔心佢會要求我玩埋一份。我有睇過四仔，見到班脫星畀人暢遊後花園已經赤赤痛，我應該點做至好呀？」
圓男： 我諗起一句話：「好奇害死貓！」你好哋哋執屋咪算囉，做乜要打開男友個密碼盒嚟睇呢？嗱，家陣搞到勁煩惱，你話係咪後悔先？
魚毛： 其實玩肛塞性玩具唔係問題，我男友都好鍾意呢樣玩意。不過可能性格唔同啦，當佢提出玩樂時，我不知幾咁興奮，仲主動幫佢手添！其實呢啲都係情趣嚟，無所謂啦！
Tancy： 如果你接受唔到嘅話，不妨同佢傾吓，會唔會搵到其他好玩，而你又接受到嘅玩法。其實佢畀得你上嚟執屋，會唔會就係想畀你知佢有咁嘅癖好呀？
南風： 千祈咪同男友講，收得入個密碼盒度，就係唔想畀其他人知啫。更何況，如果佢成日玩嘅話，就唔會擺得咁隱蔽啦，可能佢一直有咁嘅癖好，睇定啲再算！