喺日本，性感迷人嘅美少女模型大有市場，所以模型廠商會不斷搵靈感推出新系列，Vertex原創嘅「精靈村」系列就係表表者。
該系列以性感美少女精靈聚居村落為主題，去年已事先公布會喺今年推出6位精靈村民，繼之前嘅弓箭手同盜賊美少女後，第三位精靈村民終於亮相啦，佢就係手執長槍嘅Rinshia。記得當初公布Rinshia嘅造型時，已引起唔少人嘅注意，事關佢擁有一把鬈曲長髮，勁有公主味，而恰到好處嘅美乳，配上英氣十足嘅長槍，可謂柔中帶剛。模型真身亦都冇令人失望，性感嘅戰衣下，露出美乳同乳溝，令人精神為之一振，最重要係模型加入剝衫元素。不過，大家唔好諗得太多，剝衫嘅意思只係剝咗外套而已，但已經夠晒性感喇！