早排留家抗疫期間,唔少打工仔都利用WhatsApp呢類通訊應用程式同外界聯絡,就算現時已經復工,一聽到手機有短訊,都會急住拎手機嚟睇,結果出現咗類似呢位男網民嘅煩惱。佢話:「老婆間公司係做外國生意嘅,以前放工後就唔使理啲客,但抗疫期間,因為啲客都係透過WhatsApp嚟聯絡,結果變成24小時隨時On call。家陣佢復咗工,但啲外國客仲未,結果仍然要半夜三更覆短訊。問題嚟喇,每當我哋親熱嘅時候,WhatsApp短訊一來,佢就即刻嗌停,打咗成分鐘字後,再繼續,再有短訊又嗌停,覆完,再繼續。小弟唔係AV男優,唔可能話硬就硬,話停就停。最攞命係有次喺客廳做,做到半路,佢又要覆WhatsApp,結果我一個人吊吊揈坐喺梳化,望住部電視,嗰種灰法呢……」