近期日本AV界正面對重大考驗，冇計啦！當地嘅疫情仲未受控，搞到唔少AV廠都要停工，就算想拍亦未必有男女優願意開工，咁又係呀，話晒要進行肉體交流，搞到身水身汗兼水花四濺，喺呢個時勢又邊有人夠膽咁做呢！亦因為咁，各位AV迷要有心理準備未來嘅AV作品會大減之餘，仲要預咗有唔少女優會消失，好似春咲涼就係其中一個。
今年22歲嘅春咲涼於2017年出道，樣子精靈俏麗，雖然皮膚帶點黝黑，但係纖巧又好波，最重要係佢演出時表現得活力十足，獲得唔少AV迷支持，而佢同Presitge嘅專屬合約完結之後就以自由身發展。最近佢改名叫「涼」，仲以呢個名字開咗新社交網，不過有人就發現佢嘅個人簡介寫住「元AV女優」，即係前AV女優，所以估計涼妹好有可能已經靜悄悄引退。慘喇！我哋又損失咗一位出色女優喇！