相傳未婚女性喺婚禮上接到新娘拋出嘅花球，就會搵到另一半兼成為下一位新娘。當然傳說嘅嘢聽過就算，若然太認真，就會有呢位女網民嘅煩惱：「每次有姊妹結婚，我都一定會講明接花球，之但係接極結果都一樣。記得第一次接花球，當時同初戀男友拍拖一年，諗住好快拉埋天窗，於是同佢發生第一次。點知過咗三個月就發現佢有第三者，於是分手。第二次接花球後冇耐就再拍拖，心諗又會咁靈嘅？冇耐我哋就同埋居。性生活相當融洽，幾乎每晚都做愛，點知過咗三個月，佢又喺外面有第二個。第三、第四、第五同第六次接咗花球後，結果都係同男友分手收場，全部都係喺外面有女人。其實接花球呢啲嘢係咪亂噏o架，否則我點會次次都分手呢？悲！」