被日本動漫迷喻為絲襪控神作嘅《絲襪視界》，佢嘅誕生本來已夠晒離奇，可以出埋動畫就更加係奇上加奇！
話說絲襪控插畫師Yomu（よむ），以3位美腿少女創作咗名為《絲襪視界》嘅插畫集，之後被動畫製作公司TRUSS睇中，喺去年推出埋動畫。由於作品嘅人氣強勁，Yomu亦食住個勢同模型廠DEEP合作，推出動畫系列模型，而最新登場嘅第三彈作品，就係呢位女僕。喺動畫中短暫出現過嘅佢，憑住女僕造型加絲襪美腿，配合埋好明顯唔啱胸形嘅Bra，令佢喺動畫迷心目中留下深刻印象。模型嘅還原度不容置疑，皆因全程由Yomu監工，激凸上圍加迷人絲襪，配合埋瞓梳化抬腿嘅誘人動作，不期然令人邪念爆發！