抗疫期間，梗係留喺屋企最穩陣，之但係有樣嘢係日日在家遇到最大嘅問題，就係冇得同愛侶啪啪啪。冇計，屋企人喺晒屋企，點做呀？因此酒店爆房相信係無奈下嘅唯一選擇。不過，呢位女網民就有咁嘅奇遇，仲勁忐忑，唔知點處理。佢話：「早兩日同男友去爆房，喺大廳見到個好似同事嘅女仔，佢一望見我，就匿喺條柱後面，咁我都費事同佢相認啦，唔通同佢講：『你都嚟爆房呀？』同男友梳乎完後，我哋搭𨋢落大堂，點知竟然同佢同𨋢！不過，尷尬位唔止咁，因為佢身邊嗰位竟然係……公司經理！個經理有老婆同仔女o架喇！嘩！呢單嘢真係爆囉，事關個女同事喺公司一直好低調，男經理又表現得好愛老婆，但家陣……其實我都唔係好肯定係咪佢哋嚟，因為戴咗口罩嘛。唉，我同經理個老婆勁熟o架，呢單嘢點算呀？」