韓國對女神嘅封號有好多，諸如美腿女神、美顏女神、美背女神等，但有種女神封號，睇完都唔係好明係乜，佢就係「骨盆女神」！邊個獲得呢個封號？就係人妻模特兒金雅凛。
先講吓乜嘢叫「骨盆女神」先。原來佢係指纖腰咁解，而金雅凛嘅三圍比例又真係幾誇張，34-21-36，夠唔夠誇先？尤其係嗰條僅得21吋嘅纖腰，真係超級幼，襯埋佢嘅胸圍同臀圍，就更加驚人。佢之所以可以練出咁嘅身材，全因其職業背景，原來除咗做模特兒，佢仲係一位專業嘅塑身培訓師，擁有6個專業資格，分別係瑜伽、普拉提、減肥、水上健身、復健及健身嘅佢，試問又點可能唔練出好身材先？