抗疫時期唔少人同另一半都要在家工作，日對夜對之下問題就嚟，但唔係鬧交喎，而係冇晒性趣，好似呢位女網民就係其中之一。佢喺網上呻話家陣同老公一齊在家抗疫兼工作，相處時間多咗，起初以為啪啪啪嘅機會亦多咗，點知就啱啱相反，佢話：「之前因為各自工作忙碌，加上我要成日周圍飛，搞到冇乜時間相聚，行房亦唔多，所以一有時間我同老公就會瘋狂啪啪啪，直到第二日朝早臨出門搭飛機前，都要趕住做埋最後一次。不過依家見面時間多咗，我竟然係零性趣，同樣地，老公見我着住內衣通屋走，佢都唔會撲埋嚟。弊喇！我哋對對方係咪會冇晒性趣？」
網友回應：
Angline： 其實你呢個問題唔少老夫老妻都會有，只係遲早嘅問題嚟啫。想重拾性趣嘅方法好簡單，搵啲外界刺激就得，例如點吓香薰蠟燭或睇鹹片都得，睇吓你嘅創意係點囉。
Sum Sum： 我同老公結婚十幾年，婚後第三年就出現你呢個問題。我哋都試過好多解決方法，從經驗總結出兩個字：驚喜。有時我會着情趣內衣，老公又會着件大隻佬Tee「晒肌」，方法好簡單，視乎彼此有冇心。
打股達人： 日日對住唔好話性趣，所有睇唔順眼嘅嘢都會浮晒出嚟，繼而會嘈起上嚟。其實兩人相處真係要啲私人空間，你不妨返娘家住幾日，分開吓，到見面時嘅感覺會好好多。
壁咚： 視覺挑唔起情慾，咪用身體接觸補數囉，再唔係就玩埋情趣玩具，反正家陣買情趣玩具好方便，玩得開心又可以增加情趣，何樂而不為呢？