奧山和紗 日本一美Body完璧女神

勻稱零死角

愛吃嘅朋友，相信聽過日本每年都會有被稱為「日本一」嘅吞拿魚拍賣，至於AV迷亦一定識得擁有「日本一彈性美巨乳」嘅高橋聖子，同時欣賞過好多聖子嘅精彩演出啦，至於日本寫真界美女如雲，當然亦有「日本一」，佢就係奧山和紗喇！

今年26歲嘅奧山和紗，形象俏麗甜美而帶高雅感覺，一副正統派面孔仲充滿健康氣息，美貌拍得住女星北川景子。身材方面，三圍是33C-24-34，勻稱而凹凸有致，可謂應大則大、應細則細，而肉地白滑得嚟又充滿彈性，簡直冇得彈，當和紗巧妙地運用身體嘅柔軟度擺出各種姿勢更係相當誘人！

演戰隊突圍

2016年佢參加選美活動「第一屆Miss美麗20代」，雖然只係獲得亞軍，但自此之後佢被稱為「日本一美Body」以及「完璧女神」稱號。和紗咁有吸引力，原因係佢每次演出都充滿自信，而呢一點相信係同佢讀書時成為啦啦隊成員，自小見慣大場面有關。長大之後，佢做過模特兒，亦做過賽車女郎，後來成功進軍影視界，憑住演出《快盜戰隊魯邦連者Vs警察戰隊巡邏連者》中嘅粉紅戰士明神司紗角色而人氣急升。

而和紗近期參演唔少電視劇，好似今年第一季就有兩部作品，包括《刑事與檢察官：所轄與地檢的24小時》以及《SEDAI WARS》。雖然佢忙住拍劇，但係佢亦會抽時間拍寫真，所以大家唔使擔心睇唔到和紗嘅性感演出喇！

社交網站

奧山和紗最鍾意將自己拍劇及做節目時嘅花絮拍低，然後將照片放上社交網同大家分享，想知道佢最近拍緊咩劇，就要Click入去睇睇喇。

網址：https://twitter.com/okuyama_kazusa_

奧山和紗

年齡：26歲

身高：5呎4吋

三圍：33C-24-34

撰文：賢