有人話，男女之間嘅曖昧期最動人，但如果係會錯意嘅話，就真係超老尷！早前有男網民喺網上分享咗一件𤓓事，佢話：「有個識咗半年多嘅女仔，佢長髮大眼好身材，係我最愛嗰種類型。熟咗後，話題開始有啲鹹味，好似佢同我講唔介意我唔着衫喺佢面前，又問我有冇裸體嘅習慣，亦講過我呢類型嘅男仔好有安全感，因為把口夠密等等，當時我諗佢應該對我有意思，因此佢早幾日嗌我上去佢屋企，我就相當興奮，仲走去買衫兼剪髮。上到屋企，佢煮咗飯等我，幾有女友Feel呀！食緊飯時，佢面紅紅拜託我一件事，我二話不說就拍心口，跟住佢同我講，等陣想我除衫，仲係連底褲都剝埋嗰種，嘩，大佬，仲唔係想啪啪啪？講真，當時我剝光豬後，支旗已係半升狀態，點知……佢拎個畫框出嚟，先知佢想畫人體素描……佢面紅問我做乜有生理反應。我，真係唔知點答佢……」