正所謂「知錯能改，善莫大焉。」AV女優亦唔例外，講緊嘅係被譽為「AV界最強美腿」嘅橋本有菜！話說今年年初阿妹好少Update社交媒體，但佢都知衰，喺1月尾「沙冧」過後，情況當堂好轉，Keep住喺Twitter上載短片及靚相慰藉粉絲，睇見佢無論身穿兔女郎裝，抑或拉高件衫露Bra，統統都誘惑非常，可以用狀態大勇嚟形容！畢竟阿妹啱啱推出離開AV片商S1嘅畢業作，大家都等住睇佢加盟新公司Faleno嘅新作，佢當然要密密騷哥利造勢喇！
另外，為咗紀念活動五周年，橋本亦喺眾籌網站搞推出寫真集嘅Project，目標金額係5,000,000日圓（約HK$355,000），數目話少唔少，現時已順利籌得近3,000,000日圓，但為咗能順利達標，自然要畀多兩錢肉緊，惟有喺社交媒體多多催谷喇！
網址：https://twitter.com/arinahashimoto1?lang=ja