小弟自問長情，就連口味亦Keep住無乜變化，例如細細個鍾意睇特攝片，大個咗就偏好特攝AV片！睇見班女優身穿戰鬥服同壞蛋「激戰」連場，真係令人十分肉緊！而芸芸眾多拍過特攝AV片嘅女優當中，特別冧爆喺2017年出道嘅桐山結羽，事關阿妹賣相可愛之餘，眉宇間更隱約有股倔強嘅味道，穿上一身特攝戰鬥服後，真係零舍有Feel。佢嘅Twitter亦不時大晒拍攝特攝AV時嘅花絮相，當中包括一張穿上疑似《美少女戰士》金星公主愛野美奈子嘅橙色水手服，俏麗扮相無論你係咪特攝迷都肯定畀Like。再睇其他特攝AV造型，發覺阿妹比起着時裝時更迷人，難怪專為特攝AV而設嘅GIGADEMY AWARD啱啱公布成績，阿妹成功冧莊連續兩年奪得女優部門第一位喇！