唔少鍾意睇AV嘅朋友，都會好奇想知道AV女優嘅人工有幾高？已引退嘅前人氣AV女優水野朝陽早前就爆料，將當年自己最高峰時期嘅收入公開，原來月薪可高達港幣6位數字！不過呢啲絕對係辛苦錢，而且背後更要承受唔少壓力。咁啱最近就有位女角色扮演者（Cosplayer）公開指摘AV係引發性犯罪嘅元兇，更引發一場網上罵戰添！
於2013年出道嘅AV女優水野朝陽，憑住高挑及巨乳身材火速走紅，雖然佢於上年2月退出AV界，但當紅時拍攝了勁多作品，究竟當年人氣勁旺嘅佢，收入有幾多呢？佢日前接受訪問時便稱，做AV女優時一個月最高收入達182.5萬日圓（約港幣13萬）！以水野當年嘅人氣計數，唔少粉絲都估計佢嘅收入應該更高，或者經理人公司抽佣抽得勁多吧！咁佢退休後近況又如何呢？水野朝陽引退時表示過想開一間餐廳，最後餐廳沒開成，卻喺Twitter上宣布轉職做美甲師。話說唔少AV女優引退後都會轉職美容業，至於收入方面，她表示現在收入並不穩定，一個月只能賺到約17萬日圓（約11,900港元），收入比以前少了近10倍！但佢表示唔會後悔引退，事關當年佢每個月都要擔心作品銷量，經常要留意銷售排名，壓力令佢喘唔過氣。希望佢喺美甲界有一番發展啦。
有人喜歡閒時睇吓AV，覺得可以紓解壓力，但最近網上卻因AV是否性犯罪元兇而引起罵戰，主角是一位自稱しろ砂糖嘅女性Cosplayer，佢喺網上大罵AV是引發性犯罪嘅元兇，會塑造出一種女性被侵犯都會啞忍嘅錯誤形象，簡直係全天下女人嘅公敵，佢想將整個業界消滅，更覺得日本法律對AV業界太寬鬆云云。佢不單大罵AV界，更說AV女優全身上下都令佢覺得好惡心！但偏偏しろ砂糖本身係Cosplayer，平時影相都會以性感形象出動，令不少網民覺得佢雙重標準，並引起一連串嘅網上罵戰。有網民表示佢影相時打扮超性感，根本就係拿性做賣點，冇資格評論他人。亦有人喺佢嘅性感照旁加上「女人公敵？」，諷刺佢雙重標準，後來しろ砂糖刪除咗引發爭議嘅幾篇文章，但冇道歉，更說一班宅男好恐怖，堅持唔認錯。
行街時偶然迎面遇上一個靚女，你會睇樣先？定係睇胸睇腳？或者等佢行過後來個回馬槍偷瞄一下佢嘅美臂？正所謂鹹魚青菜各有所愛，靚女邊個部位最吸引亦人人不同，最近日本雜誌《アサ芸Secret》就搞了一個「太厲害了！美女部位排行榜」，環顧日本藝能圈嘅美女，分美乳、美腿、美臂等項目做了一個排行榜，當中睇到不少知名水着女均榜上有名，例如美乳部第2位嘅忍野沙羅係頂級水着女，有「日本最強美乳女大學生」之稱，一對G奶又圓又挺，絕對當之無愧。美臀部冠軍朝比奈祐未亦係人氣水着女，臀部夠結實，渾圓有彈性，奪得冠軍可謂實至名歸。美腿部方面，排第3位嘅水着女清水藍理本身推出了多本寫真集，修長嘅身形甚有模特兒風範，尤其以一雙富線條美嘅長腿甚得人心，讓人目不暇給呢。
撰文：貓科