有人話女人嘅直覺好準，老公有冇偷食一定會知道。不過呢位男網民嘅老婆，就用咗另一個方法嚟試探佢：「話說早前突然有個陌生女仔Add咗我，八卦睇吓佢個頭像同相片，有樣有身材，正呀！自問人生中得一次拍拖對象同一個性伴侶，冇錯，就係我老婆。難得有女送上門，見佢又主動玩視頻，咪試吓囉。雖然過程中佢冇露面，但身材真係唔錯。當時我驚老婆發現，仲詐諦走入書房問老婆要唔要食糖水，見佢好認真咁對住電腦，我就冇理佢。而我同對方傾咗一陣，就主動斷線，我承認係有色心冇膽識。隔咗幾日，我老婆部手機跌爛咗個芒，於是幫佢拎去整，Check機時發現佢竟然有我當晚視頻女仔張相，仲要有我視頻嘅Cap圖，好明顯呢一切係個局！好彩我冇中伏，否則手尾長，巴打們要小心呀！」