日本AV界今期嘅「大新聞」應該係優月心菜同經理人鬧翻，阿妹喺Twitter宣布脫離事務所Prime Agency，但會繼續使用藝名優月心菜嘅權利。是但啦，就算阿妹改名叫「優越菜心」，AV迷都冇所謂，因為大家最欣賞阿妹「扮嘢」啫！唔係咩？睇佢嘅社交網，Cosplay靚相比真正Coser仲要多，今朝扮公主、下晝扮小丑女，第二日着住和服四圍遊，之後又着比堅尼做水着妹，唔講都唔知佢拍AV嗰陣表現有幾狼胎囉！但亦因為阿妹夠百變，日日都帶畀大家新鮮感，同埋可以第一時間知道動漫界消息，點解？皆因心菜係超級動漫迷，經常同大家分享動漫資訊，所以如果你係動漫迷，又係阿妹嘅粉絲，就要𥄫實喇！