呢期聽得最多嘅相信係「Home Office」呢個詞語，之但係喺屋企做嘢究竟係咪咁有效率呢？呢層就要睇個人嘅習慣。講開Office，今次就同大家睇吓情色世界中嘅辦公室會係點啦！
既然唔少打工仔每日都要喺辦公室困獸鬥，苦中作樂嘅最好方式，就係望吓辦公室嘅「Office Hot」，然後幻想一下。究竟佢係乜嘢意思呢？原來係指喺辦公室內最具吸引力嘅男女，但當離開辦公室範圍後，卻會覺得佢哋唔再吸引。
另外，仲有「Office Bike」，意思係指一啲幾乎同辦公室內所有男同事都有過一手嘅女同事，所以佢係一個貶義詞，要小心使用呀！
「Office Sex」呢個中文解做辦公室性愛嘅英文，相信唔使多作解釋，之但係講到喺辦公室最佳性愛體位，唔知大家又估唔估到係邊招呢？美國有網站票選咗3招，第3位係「反向騎乘」，因為辦公室不乏坐椅，而呢個動作既方便啪啪啪，又能用辦公枱做掩護；第2位係「站立式」，呢招最啱喺洗手間進行；第1位就係「推車仔」，理由係夠方便，最啱喺會議室使用。唔知大家認唔認同呢個結果呢？
美國四仔界不乏惡搞人氣電影或電視劇嘅作品，好似呢部由四仔片廠New Sensations喺2009年3月推出嘅《The Office: A XXX Parody》，就係向人氣美劇《我們的辦公室》致敬，由四仔名導Lee Roy Myers執導，並搵嚟Ashlynn Brooke、Faye Reagan、Jenna Haze等惹火脫星演出，內容真係勁鹹濕，不過當中最令四仔迷傾心嘅脫星，莫過於喺1985年8月14日於美國出生嘅Ashlynn Brooke。
2006年投身四仔界嘅佢，先後成為Digital Sin及New Sensations嘅合約脫星，及後主力經營個人網站，同時又開設二手車行，其後喺加拿大成人頻道做主持，2010年同美國電台體育主持Travis Rogers結婚後，就退出四仔界。
辦公室係日本AV片廠其中一個最愛嘅題材，而講到近年日本AV迷熱愛嘅作品，就有呢套《辦公室女郎的濕濕連身襪》。單睇片名已經淫氣十足，加上搵嚟美艷AV女優希島愛理演出，真係未睇已經令人超興奮！
1988年12月24日於東京出生嘅愛理，早喺2011年登陸寫真界，靚樣加33C美乳夠晒索，好快就畀AV廠招攬，2012年10月成為性感組合「惠比壽麝香葡萄」嘅成員，人氣極速飆升，2015年以歌手身份推出首張單曲，2016年4月轉會到Attackers成為專屬女優，人氣更係長期高企。
撰文：魂