今時今日一部電話喺手，想要乜娛樂都有，其中一項係聽「有聲書」，簡單講就係書本唔用眼睇，而係有人將內容逐隻字讀畀你聽！最近便有位人氣AV女優親身上陣朗讀，為自己嘅散文集推出有聲書，究竟邊位咁有才華呢？
鹹濕女教師係不少AV嘅熱門題材，例牌情節係飾演女教師嘅AV女優先一本正經地教書，之後再跟一班學生激戰連場！但如果話你知，有女優好認真讀書畀你聽，你會有興趣嗎？現年26歲、作為SOD Create當家王牌女優嘅紗倉真菜，於2012年AV出道後，憑樣靚身材正，很快便深得AV迷喜愛，於SOD大獎2012共獲得六項冠軍。除了積極拍攝AV，紗倉同時擁有文青嘅一面，於2015年推出隨筆《身為高專生的我和世界邂逅只是個天職》，創下了大賣紀錄。之後紗倉便開始了一邊拍AV一邊寫作嘅生涯，接下來兩本小說《最低。》及《凹凸》亦同樣大賣，前者更被改編成電影，相當巴閉！而上年紗倉推出了散文集《工作的胸部》，市場反應同樣熱烈，最近佢更將《工》推出有聲書，並自己親身上陣為書本朗讀。紗倉本人更話寫書嗰陣冇諗過之後需要朗讀，所以只係寫咗唔適合用說話表達嘅內容喎。不過AV迷可以聽到紗倉親身用聲音演繹，肯定更能感受到文字所表達嘅情感，不過前提係你要識聽日文囉。
「第一次」對於唔少人嚟講十分重要，所以「奪去」別人第一次當然有股莫名興奮，但「被奪者」嘅感受又如何呢？喺英國「性態度及性生活形態之國家研究」調查中，發現超過一半女性（52%）及近一半男性（44% ），喺第一次性行為發生之後回想，都覺得過程來得太突然而沒有好好準備。調查更指出，假如時光可以倒流，佢哋都希望「第一次」可以延遲或喺有準備下發生。調查又認為，第一次性行為往往因為地點、時間、前戲及過程過於草率，令到當事人唔太享受過程，甚至乎有壓力。調查引述專家稱，因為第一次過程往往喺雙方一無所知嘅情況下進行，以至令當事人無法好好享受整個性愛過程，若果第一次性行為可以獲得興奮和滿足嘅話，可為第一次性行為留下深刻嘅印象，同時亦為未來性生活展開美好嘅開始。雖然大家都明白箇中道理，但相信問十個人，有九位嘅第一次都係糊里糊塗下進行。
動漫角色扮演者（Cosplayer）係年輕人嘅專利？答案當然係NO喇！要講日本玩Cosplay玩得甚具話題性嘅人辦，由叶恭子及叶美香兩人組成嘅叶姊妹組合應該係數一數二。兩位年紀不輕（恭子57歲，美香52歲），但經常憑着一身爆乳貴婦造型及出位言行製造話題，並成為了各大綜藝節目嘅常客！兩位亦對Cosplay樂此不疲，而每次造型幾乎都不忘大Show佢哋嘅誇張豪乳，所以經常成為熱話！繼之前Cosplay《小雙俠》多龍芝、《海賊王》蛇姬及超級索尼子等爆乳角色，當中嘅叶美香啱啱又有新搞作，就係Cosplay呢期大熱動漫《鬼滅之刃》內嘅甘露寺蜜璃！呢個角色特徵係綠眼粉紅頭髮外，最大特色係佢嘅服裝打出大片心口，絕對可以凸顯美香嘅本錢！而美香亦落足心機，擸埋把刀大擺甫士，而網民對佢大多係有讚無彈，又話佢還原度十足，又話十分Kawaii，而短短數日時間Like數亦直逼70,000，似乎大家確係十分欣賞呢！
撰文：Sexybean