受疫情影響，呢排唔少人嘅心情都麻麻，一於同大家講吓啲輕鬆嘢啦！日本有Showgirl教大家改裝胸圍做口罩，呃咗相當多Like！而紐約有性愛博物館，以視覺藝術帶大家進入情色世界。不過講到夠激，有AV女優無懼疫情繼續搞簽名會，絕對勇氣可嘉！
記得當日口罩缺貨，有男士將胸圍改造成口罩，仲要夠膽戴出街，畀人影埋相放上網恥笑。但如果戴「胸圍口罩」嘅係一位迷人索女，相信不但唔會畀人笑，仲呃到勁多Like！日本Showgirl朝比奈夢乃早前喺Twitter上分享，用胸圍改造成口罩嘅整個過程，而且步驟更講得勁詳細。佢教人先將胸圍一分為二，即係變成兩個奶殼，跟住將胸圍肩帶剪落嚟，再縫返上奶殼邊位置，咁就成為兩條掛耳帶，最後佢更將製成品戴上兼自拍。作為Showgirl嘅朝比奈夢乃，本身個樣唔錯，戴上個「胸圍口罩」後，又真係幾可愛嘅。不過大家試吓換個角度諗吓，一位男士照辦煮碗嘅話，唔畀人話係癡漢就奇啦！
每次提起性愛博物館，總會諗起昏黃嘅燈光，展出幾百至幾千年嘅情趣玩具等展品，只係呢種展覽方法莫講話老套，而且更有千篇一律之感。為咗搞搞新意思，紐約Museum of Sex就推出名為「Super Funland: Journey into the Erotic Carnival」嘅特別展題活動，以超現實主義加上光影藝術，再搵嚟十多位國際知名藝術家，打造出多個特色展區。講得太虛無？實在啲講，有藝術家以極具藝術感嘅風格，還原四仔經典嘅吸啜神秘兵器廁所場面，講述現今性慾狂放嘅價值觀。有藝術家打造當年曾風行一時，專門搵一夜情嘅遊戲中心。仲有個極大玻璃缸內，有全裸舞者暢泳，等大家猶如置身性愛幻想世界，邊個話去博物館會好悶？
受疫情影響，日本有唔少AV女優簽影會都被取消，但當中仍有女優無所畏懼繼續舉辦，好似被喻為最有住家Feel嘅AV女優葵百合香，就宣布原定於3月21日喺秋葉原舉辦嘅兩場簽影會將如期舉行。粉絲只需喺指定AV專賣店，購入佢喺3月7日發售嘅SOD新作《天才S癡女護士》，便能換取入場券。不過喺特殊時期，SOD稱簽名會亦有特別安排，就係每位入場人士都必須戴上口罩，否則將被拒入場，另外每位入場粉絲喺進入會場前，都會用酒精消毒。事實上，出生於1984年嘅葵百合香，2016年6月以藝名一松愛梨，成為AV界嘅熟女系新進女優。憑住住家熟女形象，加上一對40G巨乳，而被AV迷所熱捧。2017年7月改名做八田愛梨，2018年3月又因轉換事務所，再改用現時藝名。喺疫情嚴峻情況下仍入場嘅粉絲，呢啲咪真心粉絲囉！
撰文：魂