勢估唔到AV界重磅新聞喺2020年開始無幾耐就出現，仲要快過AVN頒獎禮，可惜呢單新聞對四仔迷嚟講絕非好消息，講緊係大老闆Greg Lansky宣布已將VIXEN Media Group公司所有股份出售，即係話佢唔再係老闆，亦唔係CEO、監製、導演及男優，喺公司冇任何決策權，一切同佢再冇關啦！Greg Lansky亦有喺Twitter公布呢個消息，當然都係嗰啲客套說話，要感謝邊個邊個，仲話嚟緊會喺其他領域發展，大家繼續進步喎！
講真呢位色情大亨呢幾年喺四仔界刮埋唔少都夠使幾世，雖然佢對賣價及賣盤原因隻字不提，但醒目仔女都估到佢絕對唔會做蝕本生意囉！但不得不佩服Greg Lansky喺2014年5月成立VIXEN後，由一間蚊型細廠，打造為「成人帝國」，成個集團有「星」有「色」，最重要係佢好有眼光，將一啲有潛質但被遺忘嘅脫星重新包裝變成女神，而公司嘅出品都係優質指標，連帶其他老牌大廠都要跟風，難怪過去Greg Lansky喺社交網酒池慾林晒命，巴打都有讚有彈啦！對於Greg Lansky賺夠離場，四仔迷唔葡萄亦冇怨言，但大家最擔心嘅係，新人事新作風，未來VIXEN係咪Keep得住水準呢？