鼠來報喜 赳赳雄風賀新春

情色俚語：Mouse 鬼「鼠」暗喻

正常嚟講「Mouse」解做老鼠，但喺情色俚語中，卻用來暗喻男士嘅兵器。正因為佢有咁嘅暗喻，所以就衍生出「Mouse Hole」同「Mouse Trap」兩個情色俚語。雖然兩個都係暗喻女士嘅蜜洞，但兩者相比，早喺19世紀便已經出現嘅「Mouse Trap」歷史則悠久啲。講到呢度又問吓大家，知唔知「Mouse Sleeping Bag」呢個中文譯做老鼠睡袋嘅俚語係指乜嘢呢？答案就係避孕套。

玩樂辭典：Mouse Sex 諗計尋歡

哺乳類動物中以老鼠嘅繁殖能力最強，但當聽到有人話同你啪啪啪，感覺就好似係「Mouse Sex」時，千祈唔好以為對方讚緊你。因為呢個中文譯做老鼠性愛嘅俚語，其實係取笑男士支兵器太短，Size好似雄性老鼠咁細。不過兵器細係咪一定唔會令女士有性高潮？加拿大性學家Jessica O'Reilly就話性愛體位「Sofa Side Saddle」（梳化側坐式）可以幫到「小器男」。男士先坐喺梳化或床邊，女伴雙腿向外並側坐喺男伴其中一隻大髀上，然後進行活塞運動。專家話呢招好有效，有興趣嘅男士可以試吓。

美國四仔系列：《Mouse Trap》 蜜洞銷魂

前面講過「Mouse Trap」喺情色俚語中嘅意思，因此當大家睇到呢套由美國網絡四仔片廠MissaX.com，喺2018年1月推出嘅作品《Mouse Trap》時，相信大家都知係乜嘢意思。雖然作品片長僅得24分鐘，並只得女脫星Jessa Rhodes同男脫星Tyler Nixon演出，但憑住火辣嘅性愛場面同浪漫氣氛，令作品獲得極高人氣。事實上，Jessa Rhodes喺美國四仔界其實有相當高人氣。呢位喺1993年6月29日於俄勒岡州出生嘅脫星，早喺18歲時便開始做裸模，一年後獲四仔片廠邀請，從此展開四仔演出生涯。憑住美貌及長腿，好快喺四仔界冒起，不但曾參演多套MV演出，更喺2015年XBIZ頒獎禮上獲最佳女配角殊榮。

日本AV系列：《元小老鼠 CLUB》 山崎亞美

「小老鼠CLUB」係乜嚟？如果冇人識佢嘅話，點解日本AV片廠NATURAL HIGH會喺2007年3月推出名為《元小老鼠 CLUB》嘅作品呢？原來係同主演呢套AV嘅女優山崎亞美有關。山崎亞美喺2007年2月於AV界出道前，曾經係1992年出道嘅歌唱組合「小老鼠 CLUB」成員，而佢仲有另一個身份，就係日本女歌手荒木美美個女。1980年7月18日出生嘅佢喺1993年加入歌唱組合冇耐，就因同公司鬧不和而退團，2002年時佢曾經參演電影，但一直打唔響名堂。2007年2月佢挾住藝能人身份，演出AV處女作《26歲 藝能人 前偶像組合小老鼠 CLUB成員》，其後嘅AV作品均打住組合前成員作招徠，並成為一時話題，2008底佢慢慢淡出AV界。

撰文：魂